– Det bør vere slik at menn, kvinner og andre kjønn betalar for den frisyren dei vil ha, ikkje kva kjønn dei har, seier Jeanett Ljostveit.
Jeanett definerer seg som ikkje-binær, men vel å bruke pronomenet «ho» om seg sjølv, .
Ikkje-binær er ein samlenemning for personar som identifiserer seg som verken mann eller kvinne.
Jeanett har det ho sjølv karakteriserer som ein «maskulin klipp», men må likevel betale for «dameklipp» hos frisøren.
– Det er jo ikkje sånn at brød kostar 29 kroner for menn og 42 kroner for kvinner. Kvifor skjer det framleis i frisørbransjen? spør ho.
Med emneknaggen #frisøroppgjør, ynskjer ho å skape ei endring i bransjen.